08.02.2006 De Börgermesterköör

Es ist nicht alles Gold was glänzt, aber manchmal Bernstein.
Dieses Foto von Wangerooger Bernsteinfunden sandte uns Dieter Schelp.

(von Heino Plagenz)
„Wo is dat denn nu mit de Köör van't Börgermester in’t Harvst, wenn dor blot noch een Keerl op’t Amt spickleert ?“, frögt mi körtens een Inslaner. „Krecht wi denn’n Zeddel wor wi blot noch "jau" or "nee" ankrüzen köönt? Or lööpt dat so as in de fröhere DDR un wi köönt blot noch „jau“ ankrüzen un de Ool ward denn mit negenundnegentigkommanegen Perzent köört? Or bruckt he amenn överhaupt nich mihr antreden un blifft automatisch in’t Amt?“.
Ik mööt em ingestan, dat ik dat ok nich recht weet.
Wat worn dat för moje Tieden, as sick noch twee, or warn dat amenn nich sogoor dree um dat Amt bewarven hebt.

„Avers, worüm wullst du di denn nich för düsse Positschoon andeen?“ frog ik emm, „du büst dok wiß keen tumpigen Keerl un büst plietsch noog för düsse kommodige Speeldeel dor boben in de Amtstuuv. De een ore anner ward di seker köören“
„Ach weest,“ seggt he,“ wullen wullt ik wulll, avers wat schall ik in düsse lege Tieden mit mien Laden maken, dichtmaken is nich, denn denn kummt de Spoorkass un von dat Inkommen van’t Borgermeesteramt kunn ik min Schullen nu mol nich berappen. Ophollen kunn ik em avers ok nich, denn noch een Arbeidsche is toveel för dat lütte Geschäft un betahlen kunn ik se sobiso nich. Un keen een wullt denn ok sachts veerteihn Stünnnen an Dag för Lüttgeld warkeln.“
De Politik is nu mol bloots wat för de Gattenpietschers un de Rechtschverdreier. De eenen hebt Tied um tied noog un se beholln ehrn Posten bit no de Amtstuur, is kloor, un bi de annern fullt dat nich so op wenn se mol een poor Johr nich in ehrn Schriefstuuv praat steiht. De löppt mehrst asig veel better, wenn he as Politiker eestmal bedüdent nooch ist.

Nee, go me av, seggt he, för em wor dat nix, seggt he, he kunn sik de demokraatsche Politik nu mol slichtweg nich leisten.

Küsi meent:
Dat wullt wi doch nich höpen, dat alleen de Fuuljacks un de Rieken in de demokraatsche Politik den güllen Holtpadd finnen dä. Liekers, uns Insel brukt enn Tegenkandidaten, or ok twee. All dordaför, dat uns opstünnst Börgermester seggen kunt, he is köört woorn un nich bloots de bett’re Alternative west van so een „politsche Smuseluun“ van de jüstemang een in't anner verlevten Inselpartein .

...blifft piesfull. Euer Küsi

.